စိတ်ကျန်းမာရေး ကောင်းဖို့အတွက် ဆိုတဲ့ အခန်းကဏ္ဍက ဒီနေ့ခေတ် လူ့အဖွဲ့အစည်းမှာ အရေးပါနေပြီ ဖြစ်ပါတယ်။ အကြောင်းကတော့ ပူပင်သောကကြောင့်ဖြစ်တဲ့ စိတ်ဝေဒနာတွေကို ခံစားနေရသူက ဒီနေ့ခေတ် လူ့အဖွဲ့အစည်းရဲ့ ငါးရာခိုင်နှုန်းလောက်မှာ တွေ့နေရပါတယ်။ ဒီလို စိတ်ကျန်းမာရေး ချို့တဲ့မှုတွေက အာဟာရဓာတ် ချို့တဲ့မှုနဲ့ ဆက်နွှယ်နေတယ်လို့ သုံးသပ် ပြောဆိုလာကြတာကြောင့် စိတ်နဲ့ အာဟာရဓာတ် ဆက်စပ်မှုအကြောင်း သိနားလည်စေဖို့ ရေးသားလိုက်ရပါတယ်။
(1) ဗီတာမင်ဘီ အုပ်စုဖြစ်တဲ့ သိုင်ယာမင်၊ နိုင်ယာစင်၊ ဘိုင်အိုတင်၊ ဗီတာမင် B6 နဲ့ ဗီတာမင် B12 တွေကို အခွံမချွတ်တဲ့ ကောက်နှံစာတွေ (ဥပမာ- ဆန်လုံးညို၊ ပေါင်မုန့်ညို)၊ တိရစ္ဆာန်ထွက် အသားတွေထဲမှာ အများဆုံး တွေ့ရပါတယ်။ သိုင်ယာမင်းဓာတ် ချို့တဲ့ရင် ဘယ်ရီဘယ်ရီရောဂါကို ဖြစ်စေနိုင်သလို မှတ်ဉာဏ်မကောင်းတာ၊ နာ့ဗ်ကြောပြဿနာဖြစ်တာ၊ သတိလက်လွတ် ဖြစ်တာတွေကို ဖြစ်စေနိုင်ပါတယ်။
(2) နိုင်ယာစင် ချို့တဲ့တာကြောင့် စိတ်ဓာတ်ကျတာ၊ နုံးတာ၊ မှတ်ဉာဏ် လျော့နည်းတာ၊ ခေါင်းကိုက်တာနဲ့ စိတ်မဝင်စားတာတွေကို ဖြစ်စေနိုင်ပါတယ်။ ဒါကြောင့် နိုင်ယာစင်ပါဝင်တဲ့ အခွံချွတ်မထားတဲ့ ကောက်နှံစာနဲ့ တိရစ္ဆာန်ထွက် ပရိုတင်းတို့ကို စားသင့်ပါတယ်။
(3) စိတ်ဓာတ်ကျတာ၊ ဦးနှောက်ရဲ့ လုပ်ငန်းဆောင်တာ ပုံမှန်မဟုတ်တာနဲ့ မူးဝေတာတွေက ဗီတာမင် B6 ချို့တဲ့တာကြောင့် ဖြစ်ရတာပါ။ ဒါပေမဲ့ ဒီဗီတာမင်က များလွန်းရင်လည်း စိတ်ဓာတ်ကျတာ၊ နုံးတာ၊ ခေါင်းကိုက်တာတွေကို ဖြစ်စေနိုင်တာကြောင့် တန်ဆေး လွန်ဘေးဆိုတဲ့ စကားကို သတိထားသင့်ပါတယ်။
(4) ဖောလစ်အက်စစ် ချို့တဲ့တာက မွေးရာပါ ကလေးအင်္ဂါ ချို့ယွင်းတာနဲ့ ဆက်စပ်မှုရှိသလို စိတ်ဓာတ်ကျတာ၊ စိတ်ပိုင်းဆိုင်ရာ စူးစိုက်မှု လျော့နည်းတာ၊ အားနည်းတာ၊ နုံးတာနဲ့ ခေါင်းကိုက်တာတွေကို ဖြစ်စေနိုင်ပါတယ်။ ဗီတာမင် B12 ချို့တဲ့ရင်လည်း စိတ်ဓာတ်ကျတာနဲ့ မှတ်ဉာဏ် မကောင်းတာတွေကို ဖြစ်စေနိုင်ပါတယ်။
(5) ဗီတာမင်စီနဲ့ ဗီတာမင်ဒီ ချို့တဲ့တာက စိတ်ဓာတ်ကျတာကို ဖြစ်စေနိုင်ပါတယ်။ ဒါ့အပြင် ဆောင်းရာသီနဲ့ ရာသီအကူးအပြောင်း အချိန်တွေမှာ အသက်ကြီးသူတွေကို စိတ်ဓာတ်ကျ နွမ်းနယ်စေပါတယ်။ ဗီတာမင်စီကို သစ်သီးနဲ့ ဟင်းသီးဟင်းရွက်တွေထဲမှာ အဓိက တွေ့ရပြီး ဗီတာမင်ဒီကို နေရောင်ခြည်ကနေ ရယူနိုင်ပါတယ်။ ဒါ့အပြင် ငါးကြီးဆီ၊ တရုတ်နံနံ၊ ရှီးတိတ်မှိုတွေထဲမှာလည်း ဗီတာမင်ဒီကို တွေ့ရပါတယ်။
(6) ကယ်လ်စီယမ်၊ သံဓာတ်၊ မဂ္ဂနီဆီယမ်၊ ဆီလီနီယမ်နဲ့သွပ်(ဇင့်)ဓာတ် စတဲ့ သတ္တုဓာတ်တွေကို အလုံအလောက် မရရှိတာကလည်း စိတ်ဓာတ်ကျတဲ့ ခံစားမှုကို ဖြစ်စေပါတယ်။
(7) ကာဗိုဟိုက်ဒရိတ်၊ ပရိုတင်းနဲ့ အဆီဓာတ်တွေလို အဓိက အာဟာရတွေ ချို့တဲ့တာကြောင့်လည်း စိတ်ကျန်းမာရေးကို တဖြည်းဖြည်းချင်း ထိခိုက်စေနိုင်ပါတယ်။ ဒါကြောင့် အစားအသောက်ကို အလွန်အမင်း လျှော့စားတာမျိုးကို မလုပ်သင့်ပါဘူး။
(8) လေ့လာမှုအရ အိုမီဂါ ၃ ဖက်တီးအက်စစ်က စိတ်ဓာတ်ကျတာကို လျော့ကျစေတယ်လို့ သိရပါတယ်။ ဒါကြောင့် အိုမီဂါ ၃ ဖက်တီးအက်စစ် ပေါကြွယ်ဝတဲ့ မက်ကရယ်ငါး၊ ဆာဒင်းငါးနဲ့ ဆယ်လ်မွန်ငါးလို ငါးတွေနဲ့ သီဟိုဠ်စေ့တို့လို အခွံမာသီးတွေကိုလည်း စားပေးသင့်ပါတယ်။
(9) ဒီနေ့ခေတ်မှာ စိတ်ဓာတ်ကျတာက အဖြစ်များပြီး အမျိုးသမီးတွေရဲ့ ၂၅ ရာခိုင်နှုန်းနဲ့ အမျိုးသား ၅-၁၂ ရာခိုင်နှုန်းက စိတ်ဓာတ် ကျနေကြတယ်လို့ လေ့လာမှုတွေအရ သိရပါတယ်။ အာဟာရဓာတ် ပြည့်ပြည့်ဝဝစားတာကြောင့် စိတ်ဓာတ်ကျတာက သက်သာစေနိုင်ပါတယ်။
(10) ရေကို များများသောက်ပြီး သကြားပါတဲ့ အချိုရည်တွေကို ရှောင်ပါ။ သကြားပါတဲ့ အချိုရည်တွေက သွေးတွင်းသကြားဓာတ်ကို ကမောက်ကမ ဖြစ်စေနိုင်ပါတယ်။
ဇွန်Ref: Good Health
source>> http://www.yatanarpon.com.mm/news/news-36790
No comments:
Post a Comment