ကျန်းမာရေးအဆင့် မြင့်တက်အောင် အမျိုးသားတို့ ရှောင်ရှားသင့်သော အရာများ

by nang kha yea on 18.11.2012

အမျိုးသားတွေ အနေနဲ့ ကိုယ့်ကျန်းမာရေး အဆင့်ကို မြှင့်တင်နိုင်ဖို့ ကျန်းမာရေး ကောင်းမွန်အောင်  ကိုယ့်ကိုယ်ကိုယ် ဂရုစိုက် ပေးရပါမယ်။ အထူးသဖြင့် အမျိုးသားတွေကို ကျန်းမာရေး ထိခိုက်စေတဲ့ အောက်ပါ အပြုအမူနဲ့ အလေ့အထ တွေကို ရှောင်သင့်ပါတယ်။


ဆရာဝန်ကို ရှောင်ရှားခြင်း  
ဆရာဝန်နဲ့ ပြသရမှာကို ရှောင်ရှားတတ်တဲ့ နေရာမှာ အမျိုးသားတွေက နာမည်ကြီးပါတယ်။ ဆေးခန်းနဲ့ ဆရာဝန်ကို ရှောင်ရှားတတ်တဲ့ အကျင့်ဆိုးကြောင့် ရောဂါတွေကို နောက်ကျမှ သိရပြီး လွန်သွားတဲ့ အဖြစ်မျိုးတွေ ဖြစ်တတ်ပါတယ်။ ဒါကြောင့် ပုံမှန် မဟုတ်တဲ့ ကျန်းမာရေး ဝေဒနာတွေ ပေါ်လာရင် ဒါမှမဟုတ် အလိုလိုနေရင်း ပျောက်မသွားတဲ့ ရောဂါ လက္ခဏာတွေ ရှိနေရင် လျစ်လျူမထားဘဲ ဆရာဝန်နဲ့ ပြပြီး ကိုယ့်ဝေဒနာ အကြောင်း သိနားလည်အောင် ဆွေးနွေးသင့်ပါတယ်။

ဆေးလိပ်သောက်ခြင်း  
ဆေးလိပ်သောက်တာက နှလုံးရောဂါ၊ ကင်ဆာရောဂါနဲ့ လေဖြတ်ရောဂါ စတဲ့ အန္တရာယ်တွေကို တိုးမြင့်စေပါတယ်။ လေ့လာမှုတွေ အရ ဆေးလိပ်ကို ပုံမှန် သောက်တာနဲ့ သူများ သောက်တဲ့ ဆေးလိပ်ငွေ့ကို ရှူတာဟာ အဆုတ်ကို ညီတူ ညီမျှ ထိခိုက်စေနိုင်ကြောင်း သိရပါတယ်။ ဆေးလိပ်သောက်သူ နေခဲ့တဲ့ အခန်း နံရံတွေမှာ စွဲနေတဲ့ ဆေးလိပ်ငွေ့ကို Third Smoke လို့ ခေါ်ပြီး အဲဒီ ဆေးလိပ်နံ့ကို ရှူရှိုက်မိရင်လည်း အဆုတ် ကျန်းမာရေးကို ထိခိုက်စေနိုင်ပါတယ်။

အဆီ၊ သကြားနှင့် ဆားများသော အစားအသောက်များကို စားခြင်း  
အဆီ၊ ဆိုဒီယမ်နဲ့ သကြားများတဲ့ အစားအသောက်တွေကို စားတာက သွေးတွင်း ကိုလက်စထရော ပမာဏကို မြင့်တက်စေပြီး သွေးတိုးစေပါတယ်။ ဒီအခြေအနေကို စောစောစီးစီး ကုသမှု မခံယူရင် နှလုံးကြွက်သားတွေ ထိခိုက်ပြီး အားနည်းကာ နှလုံးရောဂါနဲ့ နှလုံးရောဂါထတဲ့ အန္တရာယ်ကို ဖြစ်စေနိုင်ပါတယ်။ သွေးတိုးရောဂါ၊ နှလုံးရောဂါနဲ့ သွေးတွင်း ကိုလက်စထရော များတဲ့ အခြေအနေတွေဟာလည်း အယ်လ်ဇိုင်းမား ရောဂါ ဖြစ်နှုန်းကို မြင့်တက်စေပါတယ်။

တာရှည် ခံစားရသည့် စိတ်ဖိစီးမှုကို လျစ်လျူရှုခြင်း  
ရံဖန်ရံခါ ခံစားရတဲ့ စိတ်ဖိစီးမှုကို ရှောင်လွှဲလို့ ရပေမယ့် တာရှည် စိတ်ဖိစီးမှု ခံစားရတဲ့ အခြေအနေကတော့ အန္တရာယ် ဖြစ်လာနိုင်ပါတယ်။ တာရှည် ဖိစီးမှုကြောင့် နှလုံးကြွက်သားတွေ နာကျင်ကာ သွေးတိုးတာ၊ ကော်တီစောနဲ့ အက်ပီနက်ဖရင်လို ဖိစီးမှု ဆိုင်ရာ ဟော်မုန်းတွေ တိုးစေတာတွေကို ဖြစ်စေနိုင်ပါတယ်။

အရက်ကို အလွန်အမင်း သောက်ခြင်း  
တစ်နေ့မှာ ဝိုင်တစ်ခွက်ပဲ သောက်တာက နှလုံး ကျန်းမာရေး အန္တရာယ်ကို လျော့ကျစေတယ် ဆိုပေမယ့် အရက်ကို အလွန်အမင်း သောက်ရင်တော့ ကျန်းမာရေး ပြဿနာ အများစုရဲ့ ဖြစ်နှုန်းကို မြင့်တက်လာစေပါတယ်။ ခန္ဓာကိုယ်တွင်းက အင်္ဂါ အစိတ်အပိုင်း တွေကိုလည်း ထိခိုက်စေနိုင်ပါတယ်။

နေရောင်ခံခြင်း  
နေရောင်ခံတာ၊ နေပူထဲကို နေရောင်ကာ ခရင်မ် မလိမ်းဘဲ ထွက်တာနဲ့ နေပြင်းပြင်း ပူတဲ့ နံနက် ၁၀ နာရီနဲ့ ညနေ သုံးနာရီကြား အပြင်ထွက်တာ စတာတွေဟာ အရေပြားကင်ဆာ ဖြစ်နှုန်းကို မြင့်တက်စေတဲ့ အချက်တွေပါ။ ဒါကြောင့် နေရောင်ထဲကို တတ်နိုင်သမျှ မထွက်ဖို့နဲ့ အပြင်ထွက်ချိန်မှာ နေကာခရင်မ် လိမ်းဖို့ လိုပါတယ်။

ကိုယ်အလေးချိန် များစွာ မြင့်တက်ခြင်း
 ကိုယ်အလေးချိန် များစွာ မြင့်တက်တာက ကျန်းမာရေး ပြဿနာတွေကို ဖြစ်စေနိုင်တဲ့ အခြေအနေ တစ်ရပ်ပါ။ နှလုံးရောဂါ၊ ကင်ဆာရောဂါ၊ လေဖြတ်ရောဂါ၊ ကျောက်ကပ်ရောဂါနဲ့ ဆီးချို သွေးချို ရောဂါ စတာတွေရဲ့ ဖြစ်နိုင်ခြေကို တိုးလာစေတာကြောင့် ကိုယ်အလေးချိန်ကို ကျန်းမာရေးနဲ့ ညီညွတ်တဲ့ အတိုင်းအတာ အထိပဲ ထားသင့်ပါတယ်။
စိတ်ကျရောဂါ လက္ခဏာများကို လျစ်လျူရှုထားခြင်း  
အမေရိကန် အမျိုးသားတွေမှာ ကိုယ့်ကိုယ်ကိုယ် သတ်သေတာက သေဆုံးနှုန်း အများဆုံး အကြောင်းရင်း ဖြစ်ပြီး ကိုယ့်ကိုယ်ကိုယ် သတ်သေရတဲ့ အဓိက အကြောင်းဟာ စိတ်ကျရောဂါကြောင့်ပါ။ သင့်အနေနဲ့ အစာ စားချင်စိတ် မရှိတာ၊ စိတ်တိုလွယ်တာ၊ ပင်ပန်း နုံးချိနေတာ၊ လိင်ဆန္ဒ လျော့ပါးတာ စတဲ့ စိတ်ဓာတ်ကျတဲ့ လက္ခဏာတွေကို ခံစားနေရရင် ဆရာဝန်နဲ့ အမြန်ဆုံး ဆွေးနွေးကာ ကုသမှု ခံယူသင့်ပါတယ်။

ဆရာဝန်၏ အကြံဉာဏ်ကို နားမထောင်ခြင်း  
ခေတ်သစ် ဆေးပညာ တိုးတက်မှုဟာ အံ့အားသင့်စရာ ကောင်းလောက်အောင် ဖွံဖြိုးနေပါတယ်။ ဆေးကုသမှုနဲ့ ပတ်သက်ပြီး ဆရာဝန်ရဲ့ ကုသနည်းအတိုင်း မလိုက်နာရင် ရောဂါ အခြေအနေကို ပိုဆိုးသွားစေနိုင်သလို နောက်ဆက်တွဲ ဆိုးကျိုးတွေကိုလည်း အများကြီး ခံစားရတတ်ပါတယ်။ ဒါကြောင့် ဆရာဝန်ပေးတဲ့ ဆေးတွေကို ဝေဒနာ သက်သာလာတယ် ဆိုရင်တောင် ရပ်မပစ်ပါနဲ့။ ဆရာဝန် ညွှန်ကြားတဲ့ ကာလအထိ ပြည့်အောင် သောက်ပေးပါ။ ဆေးကုသမှုနဲ့ ပတ်သက်ပြီး သင့်စိတ်ထဲ သိလိုတာ ရှိရင် ဆရာဝန်ကို ပွင့်ပွင့်လင်းလင်း မေးမြန်းပါ။

ကေအမ်
By Good Health 
source >>>http://news.yatanarpon.com.mm/hc/goodhealth/article-13839