သွေးစုနာနှင့် အနာစိမ်း ဖြစ်နေရင်

by ပိုပိုဇော်(သဘာဝအားအင်)September 16, 2013 at 10:36am

သွေးစုနာနှင့် အနာစိမ်း သွေးစုနာဆိုတာ ဆံခြည်မျှင်အိတ်ထဲမှာ ဘက်တီးရီးယားပိုးတွေ စုပုံပြီး ရောင်ရမ်းမှု ဖြစ်ရာက နာကျင်တဲ့ ပြည်တည်အနာ ဖြစ်လာတာ ဖြစ်ပါတယ်။ အစပိုင်းမှာ နီမြန်းပြီး နာကျင်ရာက ပြည်တွေနဲ့ ပြည့်လာကာ တဖြည်းဖြည်း ကြီးလာပြီး နာကျင်တတ်ပါတယ်။ နောက်ပိုင်းမှာ ပေါက်ထွက် သွားတတ်ပါတယ်။ အနာစိမ်းကလည်း အရေပြားအောက်မှာ ကူးစက်ပိုးတွေ စုပြီး ဖြစ်လာတာပါ။ များသောအားဖြင့် အနာစိမ်းနဲ့ သွေးစုနာကို အိမ်မှာ ပျောက်အောင် လုပ်နိုင်ပေမယ့် အချွန်တစ်ခုခုနဲ့ ထိုးတာကိုတော့ မလုပ်သင့်ပါဘူး။ ကူးစက်ပိုး ဝင်နိုင်ခြေ များပါတယ်။ အနာစိမ်းနဲ့ သွေးစုနာက အလွန်အမင်း နာကျင်တယ်ဆိုရင်၊ နှစ်ပတ်ကျော် ကြာတဲ့အထိ မပျောက်ရင်၊ အဖျားနဲ့ တွဲဖြစ်နေရင် ဆရာဝန်နဲ့ ပြသင့်ပါတယ်။
 

လက္ခဏာများ

သွေးစုနာက အများအားဖြင့် ပေါင်နဲ့ တင်ပါးတွေမှာ ဖြစ်တတ်ပါတယ်။ သွေးစုနာ ဖြစ်တဲ့အခါ နာကျင်မှုနဲ့အတူ တစ်ခါတစ်ရံ ဖျားနာတာ၊ ညောင်းညာ ကိုက်ခဲတာတို့တောင် ဖြစ်တတ်ပါသေးတယ်။ အနာစိမ်းကတော့ အရေပြား ဘယ်နေရာမှာမဆို ဖြစ်နိုင်ပြီး အဓိကအားဖြင့် လည်ပင်း၊ ချိုင်း၊ ပေါင်နဲ့ တင်ပါးတွေမှာ ဖြစ်တတ်ပါတယ်။ အထူးသဖြင့် အမွေးရှိပြီး ချွေးထွက်များတဲ့ နေရာ၊ ပွတ်တိုက်မှု များတဲ့ နေရာတွေမှာ အဖြစ်များပါတယ်။ အနာစိမ်းဖြစ်ရင် ပဲစေ့အရွယ် နီမန်းနာကျင်တဲ့ အဖုက စဖြစ်တတ်ပါတယ်။ ရက်အနည်းငယ်အတွင်း ပြည်တွေပြည့်ပြီး ရောင်ရမ်း နာကျင်တတ်ပါတယ်။

ဖြစ်ရခြင်း အကြောင်းရင်း

အနာစိမ်းအများစုက Staphylococcus aureus ဆိုတဲ့ ဘက်တီးရီးယားပိုးကြောင့် အဖြစ်များပါတယ်။ အရေပြား ထိခိုက်ဒဏ်ရာရတဲ့ နေရာ၊ အင်းဆက် အကိုက်ခံရတဲ့ နေရာတွေမှာ အဖြစ်များပါတယ်။

ဖြစ်နိုင်ခြေများသော အချက်များ

ကျန်းမာရေးကောင်းတဲ့သူတွေ အပါအဝင် လူတိုင်း အနာစိမ်း ဒါမှမဟုတ် သွေးစုနာ ဖြစ်နိုင်ခြေ ရှိပါတယ်။ စတပ်ပိုးရှိသူနဲ့ ထိတွေ့မှုများရင် ဖြစ်နိုင်ခြေ များပါတယ်။ ဆီးချို သွေးချို ရောဂါကြောင့် ခန္ဓာကိုယ်က ရောဂါပိုးတွေကို တွန်းလှန်နိုင်စွမ်း ခက်ခဲလာပါတယ်။ အဲဒီအခါ အရေပြားမှာ ဘက်တီးရီးယားပိုး ကပ်ငြိတာကို တွန်းလှန်နိုင်စွမ်း မရှိရာက ဖြစ်တတ်ပါတယ်။ တခြား အရေပြား ပြဿနာတွေ ရှိရင်လည်း အရေပြားရဲ့ ကာကွယ်နိုင်စွမ်း ထိခိုက်ပြီး အနာစိမ်းနဲ့ သွေးစုနာ ဖြစ်လွယ်ပါတယ်။ ကိုယ်ခံစွမ်းအား စနစ် ချို့တဲ့ရင်လည်း ဖြစ်နိုင်ခြေ များပါတယ်။

အိမ်တွင်းကုထုံးများ

သေးငယ်တဲ့ အနာစိမ်းအတွက် အောက်ပါနည်းလမ်းတွေနဲ့ ကာကွယ်ကုသပေးရင် အနာကျက် မြန်စေပါတယ်။  

ရေနွေးဝတ် ကပ်ပေးပါ

အနာစိမ်း ဒါမှမဟုတ် သွေးစုနာပေါ်ကို ရေနွေးဝတ် တစ်နေ့မှာ အကြိမ်ရေများများ ကပ်ပေးပါ။ ဒီနည်းလမ်းဟာ အနာစိမ်းနဲ့ သွေးစုနာကို မြန်မြန် ပေါက်သွားစေပါတယ်။

လက်ဖြင့် မညှစ်ရ

လက်နဲ့ ညှစ်တာကြောင့် ပိုးဝင်ကူးစက်မှု ဖြစ်တတ်ပါတယ်။ လက်ကို စင်ကြယ်စွာ ဆေးကြောပါ အနာစိမ်း ဒါမှမဟုတ် သွေးစုနာတွေကို မကိုင်တွယ်ခင် လက်ကို သေချာသန့်စင်အောင် ဆေးကြောပေးပါ။ အနာစိမ်း ဒါမှမဟုတ် သွေးစုနာ မကြာခဏ ပြန်ဖြစ်နေရင် တစ်ကိုယ်ရေ သန့်ရှင်းရေးကို အထူးဂရုစိုက်ပါ။

အခြားကုထုံး

ပိုးသတ်အာနိသင်ရှိတဲ့ လက်ဖက်ဆီ (Tea Tree Oil) ကို လိမ်းပေးရင် အနာကို အမြန် သက်သာစေပါတယ်။

ကာကွယ်မှု

အနာစိမ်း ဒါမှမဟုတ် သွေးစုနာ မဖြစ်စေဖို့ အောက်ပါနည်းတွေနဲ့ ကာကွယ်သင့်ပါတယ်။ လက်ကို ပျော့ပျောင်းသော ဆပ်ပြာနှင့် ပုံမှန် ဆေးကြောပါ သို့မဟုတ် အယ်လ်ကိုဟော အခြေခံ လက်ဆေးဆပ်ပြာ သုံးပါ လက်ကို ဂရုတစိုက် ဆေးကြောသန့်စင်တာက ပိုးမွှားတွေကို ကင်းစင်စေပါတယ်။ အနာကို ဖုံးအုပ်ထားပါ ပြတ်ရှရာ၊ ပွန်းပဲ့ရာ စတဲ့ ဒဏ်ရာတွေကို သန့်စင်အောင် ထားပြီး ပိုးသတ်ထားတဲ့ ပတ်တီးနဲ့ အုပ်ထားပါ။ ကိုယ်ပိုင်အသုံးအဆောင်များ သုံးပါ တဘတ်၊ အိပ်ရာခင်း၊ ဘရိတ်ဓား၊ အဝတ်အစား၊ လက်သည်းညှပ် အစရှိတဲ့ အသုံးအဆောင်တွေကို ကိုယ်ပိုင် အသုံးအဆောင်တွေပဲ သုံးသင့်ပါတယ်။ သူများနဲ့ မျှဝေသုံးတာကို ရှောင်ပါ။  

ဆရာဝန်နှင့် ပြသင့်သော အချိန်

သေးငယ်တဲ့ အနာဆိုရင် ကိုယ့်ဘာသာ ကုနိုင်ပေမယ့် နာကျင်မှုက ပိုဆိုးလာရင်၊ အလွန်အမင်း နာကျင်ကိုက်ခဲနေရင်၊ ဖျားတာနဲ့ တွဲဖြစ်ရင်၊ အနာ အရွယ်အစားက နှစ်လက်မကျော် ကြီးနေရင်နဲ့ နှစ်ပတ်အတွင်း အနာမကျက်ဘဲ မကြာခဏ ပြန်ဖြစ်နေရင် ဆရာဝန်နဲ့ ပြသင့်ပါတယ်။

ဇွန်ခိုင်ဦး (ဆေးဝါးတက္ကသိုလ်)
By Good Health