ကျန်းမာရေးနှင့် မညီညွတ်သော အလေ့အထအချို့မှ ရရှိနိုင်သော ကောင်းကျိုးများ

by ပိုပိုဇော်(သဘာဝအားအင်)October 12, 2013 at 11:05pm

 
အစာစားပြီးတိုင်း အချိုပွဲ စားခြင်း

အချိုစာတွေကို ကြိုက်နှစ်သက်လို့ စားသုံးတာက ကိုယ်အလေးချိန် တက်စေတယ် ဆိုပေမယ့် သင်စားတဲ့ ပမာဏကို ထိန်းချုပ်စားနိုင်ဖို့ အလွန်အရေးကြီးပါတယ်။ တစ်နေ့တာ ရရှိတဲ့ ကယ်လိုရီရဲ့ ၈၀ ရာခိုင်နှုန်းကို မနက်၊ နေ့လယ်နဲ့ ညစာတွေကနေ ရရှိပြီး ၂၀ ရာခိုင်နှုန်းကိုတော့ သရေစာက နေရရှိပါတယ်။ အချိုစာကို လုံးဝ မစားဘဲ ရှောင်စရာ မလိုပါဘူး။ ပမာဏကို ထိန်းချုပ် စားဖို့တော့ လိုပါတယ်။  


ပြောင်းဖူးပေါက်ပေါက် စားလေ့ရှိခြင်း

ပြောင်းဖူးက ကောက်နှံတစ်ခုလုံး ပါဝင်စာပဲ ဖြစ်တာကြောင့် ကျန်းမာရေးနဲ့ ညီညွတ်တဲ့အစာပါ။ ရုပ်ရှင်ကြည့်ရင်း ပြောင်းဖူးပေါက်ပေါက် စားတဲ့အကျင့်ကတော့ မကောင်းပါဘူး။ ပြောင်းဖူးပေါက်ပေါက်ကို ကျန်းမာရေးနဲ့ ညီညွတ်ဖို့ဆိုရင် ထောပတ်၊ ချိစ်နဲ့ သကြားတွေနဲ့ ဖောက်ထားတာမျိုး မဖြစ်ရပါဘူး။တစ်နေ့ ၈ နာရီအောက် လျော့နည်းပြီး  

အိပ်ခြင်း

တစ်နေ့ကို ၈ နာရီအောက် လျော့နည်းပြီး အိပ်စက်နေလို့ ကျန်းမာရေး ထိခိုက်မှာ တွေးပူနေမိလား။ တစ်နေ့ကို ၄-၅ နာရီသာ အိပ်စက်သူ တချို့က နေ့သစ်တွေကို ရှင်သန်နိုးကြားစွာ နိုးထနိုင်ကြပါတယ်။ အိပ်ချိန်နည်းလို့ ကျန်းမာရေး ထိခိုက်မှာပဲဆိုတဲ့ စိုးရိမ်စိတ်ကို စိတ်ထဲ စွဲမနေဖို့တော့ လိုပါတယ်။  

ချောကလက်မစ်ရှိတ် ကြိုက်နှစ်သက်ခြင်း

ချောကလက် ကြိုက်သူတွေအတွက် သတင်းကောင်း တစ်ခုပါ။ ချောကလက်မစ်ရှိတ်မှာ ပါဝင်တဲ့ သကြားက ပန်းသီးဖျော်ရည်နဲ့ ယှဉ်ကြည့်ရင် အတူတူလောက်ပဲ ရှိပါတယ်။ ချောကလက်မစ်ရှိတ် တစ်ခွက်ကနေ အာဟာရ ၁၆ မျိုး ရရှိနိုင်ပြီး ပန်းသီးဖျော်ရည် တစ်ခွက်ကနေ အာဟာရဓာတ် နှစ်မျိုးသာ ရရှိနိုင်ပါတယ်။ အဆီပါဝင်မှု နည်းတဲ့ ချောကလက်မစ်ရှိတ်ကို ရွေးချယ်သောက်ပါ။  

မနက်စာတွင် ကြက်ဥစားခြင်း

ကြက်ဥစားသုံးတာက အာဟာရ အပြည့်အဝ ရရှိနိုင်ပြီး ကုန်ကျစရိတ်နည်းလို့ စားသုံးသူအတွက်လည်း တွက်ခြေကိုက်ပါတယ်။ ကြက်ဥတစ်လုံးမှာ ကယ်လိုရီ ၇၀ နဲ့ သံဓာတ်၊ ပရိုတင်း၊ ဗီတာမင် အေ၊ ဒီ၊ ဘီ ၁၂ တွေ ပါဝင်ပါတယ်။ တစ်နေ့ကို ကြက်ဥတစ်လုံး စားသုံးသူတွေဟာ နှလုံးကျန်းမာရေး အထူးကောင်းမွန်တယ်လို့ သုတေသနတချို့မှာ တွေ့ရှိခဲ့ပါတယ်။ ကျန်းမာရေးနဲ့ ညီညွတ်တဲ့ မနက်စာဖြစ်ဖို့ ကြက်ဥတစ်လုံး၊ သစ်သီးတချို့နဲ့ ကောက်နှံကွေကာ၊ နွားနို့ စတာတွေ ပါဝင်အောင် စားပါ။  

အဆီ စားသုံးခြင်း

အသက်ရှည်လိုရင် အဆီနည်းတဲ့ အစာတွေကိုပဲ စားဖို့ မလိုပါဘူး။ ကနေဒါမှာ ပြုလုပ်တဲ့ သုတေသနမှာ ဆယ်စုနှစ်တစ်ခု အတွင်းမှာ အဆီကို ၁၅ ရာခိုင်နှုန်း လျော့နည်း စားသောက်ပေမယ့် အဝလွန်သူဦးရေ လျော့နည်း မသွားဘူးဆိုတာ တွေ့ရှိခဲ့ပါတယ်။ အဆီကို လုံးဝ မစားဘဲ ရှောင်တာမျိုးတော့ မလုပ်ပါနဲ့။ ကျန်းမာရေးနဲ့ ညီညွတ်တဲ့ အဆီတွေကိုတော့ စားဖို့ လိုပါတယ်။ အစေ့အဆန်တွေကရတဲ့ အဆီ၊ ငါးအဆီတွေက နှလုံးကျန်းမာရေးကို ကောင်းမွန်စေပါတယ်။


အမဲသားကင် မကြာခဏ စားသုံးခြင်း

အနီရောင်အသား ဖြစ်တဲ့ အမဲသားကင် စားသုံးတာက ကျန်းမာရေးနဲ့ မညီညွတ်ဘူးလို့ သင်သိထားပါလိမ့်မယ်။ အမဲသားကင် အနည်းငယ် ပမာဏစားတာက သံဓာတ်၊ ဇင့်နဲ့ ဗီတာမင် ဘီ-၁၂ တွေကို ရရှိတာကြောင့် စားသင့်တယ်လို့ တိုရမ်တိုမှ အာဟာရ ပညာရှင်ရေဇာက ပြောပါတယ်။ အမဲသားကို ကြိုက်နှစ်သက်သူတွေ အနေနဲ့ အလွန်အကျွံ စားသုံးတာ မဟုတ်ရင် သွေးတွင်း ကိုလက်စထရော ပမာဏ မများစေဖို့ အဆီဖယ်ပြီး စားပါ။  

ထမင်းတစ်နပ်နှင့် တစ်နပ်ကြားတွင် သရေစာစားခြင်း

သရေစာ စားတတ်တဲ့အကျင့်က ကိုယ်အလေးချိန် ကျဆင်းစေတာကြောင့် နည်းလမ်းကောင်း တစ်ခုပါ။ ဟုတ်ပါ့မလားလို့ သင်တွေးမိကောင်း တွေးမိပါလိမ့်မယ်။ ပမာဏနဲ့ သင်စားတဲ့ သရေစာပေါ်တော့ မူတည်ပါတယ်။ သရေစာက ကယ်လိုရီနည်းပြီး အမျှင်ဓာတ်များတဲ့ အစေ့အဆန်နဲ့ သစ်သီးတွေကို စားသုံးပေးပါ။  

ကစီဓာတ် စားသုံးခြင်း

ကိုယ်အလေးချိန် လျော့ချလိုသူတွေ အစားအစာ လျှော့ချစားသောက်ရာမှာ ကစီဓာတ်ကို သင့်တင့်အောင် စားသုံးတာက ကိုယ်အလေးချိန်ကို ထိန်းချုပ်နိုင်တာကို တွေ့ရပါတယ်။ ကနေဒါနိုင်ငံမှ အာဟာရဆိုင်ရာ သုတေသီတွေရဲ့ လေ့လာမှုအရ ကစီဓာတ်ကို အလွန်အမင်း လျှော့ချစားသောက်တာ၊ အလွန်အကျွံ စားသုံးတာတွေက ကိုယ်အလေးချိန်ကို လျှော့ချနိုင်မှု မရှိတာကို တွေ့ရပါတယ်။ ကိုယ်အလေးချိန်ကို ထိန်းသိမ်းဖို့ဆိုရင်တော့ ကစီဓာတ်ကို သင့်တင့်တဲ့ ပမာဏ စားသုံးဖို့ လိုတယ်လို့ သုတေသနကို ဦးဆောင်ပြုလုပ်သူ အန်ဝါမားချန့်က ပြောပါတယ်။  

အာလူးကို နှစ်ခြိုက်စွာ စားသုံးခြင်း

အာလူးကြော်က ကျန်းမာရေး မညီညွတ်ဘူး ဆိုပေမယ့် ကျန်းမာရေးနဲ့ ညီညွတ်အောင် စားမယ်ဆိုရင် အာလူးကနေ ဗီတာမင်စီ၊ ပိုတက်စီယမ်နဲ့ အမျှင်ဓာတ်တွေကို ရရှိနိုင်ပါတယ်။ အာလူးကို ပြုတ်ပြီး အရသာထည့်ကာ ထောင်းစားတာ၊ အာလူးမီးဖုတ်ပြီး သုပ်စားတာက ကျန်းမာရေးနဲ့ ညီညွတ်လို့ စားသုံးဖို့ သင့်တော်ပါတယ်။

ဇာခြည်ဝင်း (ဆေးဝါးတက္ကသိုလ်)
by Good Health
http://www.yatanarpon.com.mm/news/news-86100