ကျောက်ကပ် ပြဿနာမှ ကာကွယ်နိုင်အောင်

by #ပိုပိုဇော်(သဘာဝအားအင်)January 19, 2014 at 3:17am

မကြာခဏ မောပန်းတတ်တာနဲ့ လေပွတတ်တာဟာ ကျောက်ကပ် ပြဿနာကြောင့်လည်း ဖြစ်နိုင်ပါတယ်။ တစ်ကမ္ဘာလုံးမှာ ရှိတဲ့ လူထဲက ၄၁ သန်းဟာ ကျောက်ကပ်ပြဿနာနဲ့ ကြုံတွေ့နေကြရပြီး  မောပန်းတာ၊ မှတ်ဉာဏ် ကျဆင်းတာနဲ့ ခြေထောက် ဖောရောင်တာလိုမျိုး လက္ခဏာတွေ ပြတတ်ပါတယ်။ အောက်ပါတို့ဟာ ကျောက်ကပ်ပြဿနာ ဖြစ်နိုင်ခြေကို ၇၅ ရာခိုင်နှုန်း အထိ လျှော့ချနိုင်တာကြောင့် ပြုလုပ်သင့်တဲ့ အကြောင်းအရာတွေပါ။ 

(၁) ကျောက်ကပ် ကျောက်တည်ခြင်း မဖြစ်အောင် အချဉ်အရသာရှိတဲ့ သစ်သီး စားပါ

ကျောက်ကပ်မှာ ကျောက်တည်တဲ့ ပြဿနာရှိရင် သေးငယ်တဲ့ အရွယ်ပမာဏ ကျောက်လေးတွေတောင် အညစ်အကြေး သန့်စင်နိုင်တဲ့ ပြွန်လမ်းကြောင်းလေးတွေကို ပိတ်ဆို့နိုင်တဲ့အတွက် ခန္ဓာကိုယ်မှ အဆိပ်အတောက်တွေကို ကျောက်ကပ်က သန့်စင်နိုင်စွမ်း လျော့နည်း သွားနိုင်ပါတယ်။ ဗီတာမင်စီများစွာ ပါဝင်တဲ့ အချဉ်အရသာရှိတဲ့ သစ်သီး ဒါမှမဟုတ် ဘယ်ရီသီး တစ်ခွက်စာကို နေ့စဉ်စားသုံးရင် ကျောက်ကပ် ကျောက်တည်နိုင်ခြေ ၅၀ ရာခိုင်နှုန်းအထိ လျော့ကျနိုင်တယ်လို့ ဆွီဒင်မှ သုတေသီတွေက တွေ့ရှိခဲ့ပါတယ်။အစားအစာမှ ရရှိတဲ့ ဗီတာမင်စီဟာ ကျောက်တည်စေနိုင်တဲ့ ပုံဆောင်ခဲ သေးသေးလေးတွေကို ပျော်ဝင်နိုင်တာကြောင့်ပါလို့ ဆိုပါတယ်။ 

(၂) သွေးဖိအား ကျဆင်းအောင် နို့နဲ့ နို့ထွက်ပစ္စည်း စားပါ

သွေးတိုးရောဂါ ရှိတာဟာ ကျောက်ကပ်ကို ပျက်စီးစေနိုင်ပါတယ်။ သွေးတိုးရောဂါရှိတာဟာ ကျောက်ကပ်ရောဂါ ဖြစ်စေနိုင်တဲ့ အဓိက အချက်ပါ။ သွေးဖိအား ကျဆင်းပြီး ကျောက်ကပ် ကျန်းမာရေး ကောင်းအောင် နေ့စဉ် အဆီပါဝင်မှုနည်းတဲ့ ဒိန်ချဉ်တစ်ခွက်နဲ့ နွားနို့ တစ်ခွက်ကို သောက်ပေးပါ။ ၉၀၀ မီလီဂရမ် ပမာဏရှိတဲ့ ကယ်လ်စီယမ်ကို ရရှိစေတာကြောင့် သွေးကြောတွေ relax ရရှိပြီး သွေးဖိအား မြင့်တက်နိုင်ခြေ ၂၅ ရာခိုင်နှုန်း လျှော့ချနိုင်ကာ သွေးတိုးရှိသူတွေကို သွေးဖိအားအမှတ် ငါးမှတ် ကျဆင်းနိုင်တယ်လို့ တီနီးဆီးလ် တက္ကသိုလ်မှ သုတေသီတွေက တွေ့ရှိခဲ့ပါတယ်။

(၃) ကျောက်ကပ် ပျက်စီးမှုမရှိအောင် စပျစ်သီးအစေ့ စားပါ

နှလုံးသွေးကြောတွေကို ပိတ်ဆို့နိုင်တဲ့ အဆီတွေဟာ ကျောက်ကပ်အတွင်း သွေးကြောတွေကိုလည်း ပိတ်ဆို့နိုင်ပြီး ကျောက်ကပ် ပျက်စီးနိုင်ပါတယ်။ နေ့စဉ် Grape Seed Extract 300 mg မှီဝဲပါက ခြောက်ပတ်အတွင်း အဆီစုဆောင်းမှုကို ဖယ်ရှားနိုင်ပြီး ကျောက်ကပ်စွမ်းအင် ပြန်လည် ပြည့်ဝနိုင်တယ်လို့ သုတေသီတွေက ဖော်ထုတ်ထားပါတယ်။ Grape Seed Extract ဟာ ဘက်တီးရီးယားတွေကိုလည်း သေစေနိုင်တဲ့ ဂုဏ်သတ္တိ ရှိတာကြောင့် သင်ဟာ မကြာခဏ ဆီးလမ်းကြောင်း ပိုးဝင်တတ်သူ ဖြစ်ရင်လည်း ရောဂါ ပြန်လည်ဖြစ်နှုန်း လျော့သွားနိုင်တယ်လို့ အာဟာရဆိုင်ရာ ပညာရှင်က ပြောပါတယ်။

(၄) ကျောက်ကပ် ဒုက္ခမရောက်အောင် အသိဉာဏ်နဲ့ ဆေးသောက်ပါ

မကြာခဏ ကိုက်ခဲတတ်လို့ အက်စပရင် ဒါမှမဟုတ် ပါရာစီတမော ဆေးဝါးလိုမျိုး အကိုက်အခဲ ပျောက်ဆေးတွေ သောက်သုံးနေရရင် တတ်နိုင်သမျှ ပမာဏနည်းနည်းသာ သောက်သင့်ပါတယ်။ ပမာဏ နည်းတာကြောင့် ကျောက်ကပ်မှာ ဒဏ်ပိနိုင်ခြေ လျော့နည်းသွားတယ်လို့ UCLA မှ သုတေသီတွေက ဆိုပါတယ်။ သင်ဟာ အကိုက်အခဲ ပျောက်ဆေးကို ပမာဏများစွာ သောက်သုံးဖို့ လိုအပ်ရင် ဒါမှမဟုတ် အကိုက်အခဲ ပျောက်ဆေးကို လေးရက်ထက် ပိုကြာပြီး သုံးနေရရင် ဒါမှမဟုတ် ဆေးဝါးမျိုးစုံ သုံးနေရရင် ဆရာဝန်နဲ့ တိုင်ပင်ပြီးမှသာ အသုံးပြုသင့်တယ်လို့ နယူးယောက် အမျိုးသားကျောက်ကပ်အဖွဲ့မှ ဆီးနဲ့ကျောက်ကပ်ဆိုင်ရာ အထူးကုဆရာဝန်တွေက ပြောပါတယ်။

(၅) ကြက်သွန်ဖြူနဲ့ ကြက်သွန်နီ စားပါ

ကြက်သွန်ဖြူနဲ့ ကြက်သွန်နီမှာ ပါဝင်တဲ့ ဆာလဖာဒြပ်ပေါင်းတွေဟာ ကျောက်ကပ်အတွင်း အဆိပ်အတောက်တွေကို ပြေစေပြီး အညစ်အကြေးတွေကို ဖြိုခွဲပစ်နိုင်တယ်လို့ သိရပါတယ်။ကြက်သွန်နီနဲ့ ကြက်သွန်ဖြူမှာ တစ်သျှူးတွေ အနာကျက်စေနိုင်တဲ့ ဓာတ်တိုး ဆန့်ကျင်ပစ္စည်းတွေလည်း အများအပြား ပါဝင်တာကြောင့် သူတို့ကို နေ့စဉ် စားသုံးရင် ကျောက်ကပ် ပျက်စီးနိုင်ခြေ နည်းသွားတယ်လို့ ဆိုပါတယ်။ ကညွတ်ဟာလည်း ကျောက်ကပ်စွမ်းအင် ပြန်ပြည့်နိုင်တဲ့ အစွမ်းထက်ပစ္စည်း ဖြစ်တာမို့ တစ်ပတ်ကို နှစ်ကြိမ် စားသုံးပေးရင် ကျောက်ကပ်အတွင်းမှ အဆိပ်အတောက်တွေ ပျက်ပြယ်စေနိုင်ပါတယ်။ 

ဒေါက်တာခင်မိုးမိုး
photo copy from google search
originally posted by Good Health