သက်ရှည်ကျန်းမာဖို့ နေ့စဉ်မှီဝဲရမယ့် သက်စောင့်ဓာတ်(၆)မျိုး

by #ပိုပိုဇော်(သဘာဝအားအင်)January 20, 2014 at 10:05am

အစားစားတာ ကျန်းမာဖို့ဖြစ်တယ်။ ကျန်းမာဖို့ဆိုရင် ခန္ဓာကိုယ်က လိုအပ်တဲ့ အာဟာရဓာတ်စာတွေကို စားရမယ်။ ဒီ အာဟာရဖြစ်စေတဲ့ အစားအစာတွေဟာ အသက်ရှင်ဖို့နဲ့ အသက်ရှည်ဖို့ ဖြစ်တယ်။ သင့်ကျန်းမာရေးကို အထွတ်အထိပ်မှာ ရှိစေမယ့်၊ အလွယ်တကူလည်း ရနိုင်တဲ့ အာဟာရဓာတ်စာတွေရှိတဲ့အကြောင်း သတင်းကောင်းပါးလိုပါတယ်။

၁။ ဗီတာမင်D

အရိုးကျန်းမာရေးကို မြှင့်တင်ပေး နိုင်တယ်။ ခန္ဓာကိုယ်ရဲ့ ဇီဝကမ္မဖြစ်စဉ်ကို ပုံမှန်လည်ပတ်အောင် အဓိက လုပ်ဆောင် နိုင်တယ်။ ပြီးတော့ ဆာလောင်မွတ်သိပ် ခြင်းကိုလည်း ပြေပျောက်စေတယ်။ ဒါတင် မကဘူး။ ခန္ဓာကိုယ်ရဲ့ ခုခံအားစနစ်ကို လည်း မြှင့်တင်ပေးပြန်တယ်။ ဒီလောက် အရေးပါတဲ့လုပ်ဆောင်ချက်တွေကို ဆောင်ရွက်နိုင်တာဗီတာမင်D ဖြစ်တယ်။ အဲဒါကို ရိုးရိုးလေး သက်သေပြနိုင်တယ်။ ဗီတာမင် D ကို ဖြန့်ဝေပေးတဲ့ နေမင်း ကြီးနဲ့ အလှမ်းဝေးနေတဲ့ ဆောင်းအခါမှာ နှာတရှုပ်ရှုပ်ဖြစ်ကြတာဟာ ထင်ရှားတဲ့ သက်သေပဲ။ ဗီတာမင်D မှီဝဲမှုများလေ လေ၊ အရေပြား၊ ရင်သား၊ ဆီးကျိတ် ကင်ဆာတွေ ဖြစ်ပွားမှုလျော့လေလေ ဖြစ်ပါတယ်။ ကယ်လ်စီယမ်၊ မဂ္ဂနီစီယမ် နဲ့ ပေါင်းလိုက်ရင် ဗီတာမင် D ဟာ အရိုး ကျန်းမာရေးနဲ့ နှလုံးသွေးကြော ကျန်းမာ ရေးကို တိုးတက်ကောင်းမွန်စေတယ်။ ဗီတာမင်D ကြွယ်ဝတဲ့ ဟာရင်းငါး၊ ငါး သလောက်ယောက်ဖ၊ ဟယ်လီဗတ် ပင် လယ်ငါး၊ ငါးကြီးဆီ၊ ငါးခူ၊ မက်ကရယ်ငါး၊ ခုံးကောင်၊ ငါးသေတ္တာ၊ တူနာငါး၊ ပုစွန်တုပ်၊ ဥများနဲ့ရှီတာကေးဂျပန်မှိုတွေကိုစားပါ။

၂။ အိုမီဂါအတွက် မှီဝဲရမယ့် ငါးများ

အိုမီဂါ-၃ ဖက်တီးအက်ဆစ်ကို မီး မောင်းထိုးပြီး ကာလကြာမြင့်စွာ ဘာ ကြောင့် သုတေသနလုပ်နေရသလဲ။ အံ့ ဖွယ်ကျန်းမာရေးဂုဏ်သတ္တိတွေ (Amazing Health Properties) ကြောင့် ဖြစ်တယ်။ ဖက်တီးအက်ဆစ်ဟာ အသက် တမျှ အရေးပါတဲ့ အဆီတုံးတွေကို တည် ဆောက်ပေးတယ်။ ရောင်ရမ်းမှုကို ထိန်း ချုပ်ပေးတယ်။ သွေးမခဲအောင် ပုံမှန်လည် ပတ်စေတယ်။ ဆဲလ်အမြှေးပါးကို တည် ဆောက်ပေးပြီး ဆဲလ်ကျန်းမာရေးကို ပံ့ ပိုးပေးတယ်။ အိုမီဂါ-3ဟာ အဘက်ဘက် က ပြည့်ဝဆီမဟုတ်တဲ့အတွက် နှလုံး သွေးကြော ကျန်းမာရေးကို စောင့်ရှောက် ပေးတယ်။ အိုမီဂါ-3 ကို ခန္ဓာကိုယ်က ထုတ်မပေးတဲ့အတွက် အာဟာရဓာတ်စာ တွေကို မဖြစ်မနေ မှီဝဲရမှာဖြစ်တယ်။ ငါး သလောက်ယောက်ဖလို အဆီပေါတဲ့ငါး၊ တူနာငါး၊ ငါးသေတ္တာနဲ့ မက်ကရယ်ငါးတို့ အပြင်၊ သစ်ကြားသီး၊ နှမ်းကြတ်စေ့၊ ပိုက်ဆံလျှော်စေ့၊ ဆန်လုံးတီးတို့ကို စား သုံးရပါတယ်။ နို့ထွက်ပစ္စည်းများနဲ့ ဥတွေ မှာလည်း အိုမီဂါ-3 ပါ ပါတယ်။

၃။ ဆဲလ်တွေကို ဘယ်လိုကာကွယ်မလဲ

အိုမင်းရင့်ရော်ခြင်းကို ဟန့်တားအ ကျိုးပြုနိုင်တဲ့ ဗီတာမင်E ဟာ ခန္ဓာကိုယ် ရဲ့ဆဲလ်တွေကို စည်းလွတ်ဝါးလွတ် အ ဖျက်ဓာတ်(Free Radicals)တွေ မဖျက် ဆီးနိုင်အောင် ကာကွယ်ပေးတယ်။ ကင် ဆာနဲ့ အယ်လ်ဇိုင်းမားရောဂါ မဖြစ်အောင် လည်းကာကွယ်ပေးပြန်တယ်။ ခန္ဓာကိုယ် က လိုအပ်တဲ့အဆီကို အရည်ပျော်စေ တဲ့ဗီတာမင် (၄)မျိုးထဲမှာ ဗီတာမင်E ဟာ တစ်ခုအပါအ၀င်ဖြစ်တယ်။ အခွံမာ သီးများ၊ အစေ့များ၊ ဟင်းရွက်ဆီများ၊ အစိမ်းရောင်အရွက်များတဲ့ဟင်းရွက် များနဲ့ သီးနှံအစေ့အဆံတွေဟာ ဗီတာမင် E ရနိုင်တဲ့ ဇာစ်မြစ်တွေဖြစ်တယ်။ ဗီတာမင်Eရဖို့အတွက် နေကြာ စေ့၊ သဘာဝဂျုံစေ့၊ မက်မွန်သီး၊ ဟေဇယ် သီး၊ မြေပဲ၊ သံလွင်ဆီ၊ ဟင်းနုနယ်၊ ပန်း ဂေါ်ဖီစိမ်း၊ ကီဝီသီး၊ သရက်သီးနဲ့ ခရမ်းချဉ် သီးများကို စားသုံးရပါမယ်။ လိုအပ်တဲ့ ဗီတာမင်နဲ့ အာဟာရ ဓာတ်တွေကို အမြန်ရနိုင်တဲ့နည်းကတော့ ပင်ကို သဘာဝအစားအစာကို အရည်ပြု လုပ်မှီဝဲသုံးဆောင်ခြင်းပဲဖြစ်တယ်။

၎။ ကယ်လ်စီယမ်

ကယ်လ်စီယမ်(Calcium) ဟာ ခန္ဓာကိုယ်ထဲမှာ အကြီးဆုံးသတ္တုဓာတ် အဖြစ် ဗီတာမင်D နဲ့တွဲဖက်ပြီး၊ အရိုး တွေကိုအကောင်းဆုံးထိန်းသိမ်းထား တယ်။ အာရုံကြောလုပ်ဆောင်ချက်တွေ ကို ပုံမှန်ဖြစ်စေတဲ့အပြင် သွေးဖိအားကို ကျန်းမာစေတယ်။ ကယ်လ်စီယမ် မှီဝဲ မှုနည်းလေ၊သွေးတိုးလေဖြစ်တယ်။ သဘာဝအစားအစာဇာစ်မြစ်မှ ကယ်လ် စီယမ်ရအောင် စားသုံးခြင်းဟာ အကျိုး အရှိဆုံးဖြစ်တယ်။ အသက် ၁၉ နှစ်မှ ၅၀ အထိအရွယ်များအတွက် နေ့စဉ် ကယ်လ် စီယမ် ၁၀၀၀ မီလီဂရမ်၊ အသက် ၅၀ နှစ်ကျော်အတွက် ၁၂၀၀ မီလီဂရမ်နဲ့ ကိုယ်ဝန်ဆောင်နဲ့နို့တိုက်မိခင်များအ တွက်ပို၍သုံးဆောင်သင့်ကြောင်း ထောက်ခံအကြံပြုထားပါတယ်။ ကယ်လ်စီယမ်အတွက် အစိမ်းရင့် အရွက်များသောဟင်းသီးဟင်းရွက်၊ လိမ္မော်သီး၊ ငါးသေတ္တာငါး၊ ပန်းဂေါ်ဖီစိမ်း၊ အခွံမာသီး၊ ငါးသလောက်ယောက်ဖ၊ ဆီး ချိုသီး၊ စပျစ်သီးခြောက်၊ တိုဟူး၊ သဖန်း သီးနဲ့ အဆီနည်းတဲ့ နို့ထွက်ပစ္စည်းများကို စားသုံးရပါမယ်။

၅။ မဂ္ဂနီစီယမ်

နောက်ထပ် အရိုးကိုတည်ဆောက် တဲ့ဓာတ်ကတော့ မဂ္ဂနီစီယမ်ဖြစ်တယ်။ အမေရိကန်နိုင်ငံသား ၅၆% မှာ မဂ္ဂနီဆီ ယမ်ဓာတ်ချို့တဲ့တယ်လို့ဆိုတယ်။ အဲဒီ ဓာတ်ဟာ သွေးလှည့်ပတ်သွားလာခြင်း ကို ထိန်းသိမ်းပေးတယ်။ နှလုံးသွေးကြော ကျန်းမာရေးကို စောင့်ရှောက်ပေးတယ်။ ကြွက်သားတွေနဲ့ နာ့ဗ်ကြောတွေကို ပျော့ ပျောင်းစေတယ်။ အခွံမာသီး၊ ဆွစ်ချတ် (Swiss Chard) ခေါ် ဟင်းခတ်ရွက်၊ အစိမ်းရင့် ရောင် အရွက်များသော ဟင်းသီးဟင်း ရွက်၊ နေကြာစေ့၊ ချောကလက်အနက်၊ ဘူး၊ ဖရုံ၊ ဖရဲသီးများ၊ သခွားသီး၊ ပဲနက်၊ ဗိုလ်စားပဲ၊ ကောက်ပဲသီးနှံအစေ့အဆံနဲ့ ဖွဲနုတို့တွင် မဂ္ဂနီစီယမ်ဓာတ် အများဆုံး ပါဝင် ပါတယ်။ အမျိုးသားများအတွက် တစ်နေ့လျှင် မဂ္ဂနီစီယမ် ၄၂၀ ဂရမ်နဲ့ အမျိုးသမီးများအတွက် ၃၂၀ ဂရမ်စား သုံးသင့်ပါတယ်။

၆။ ဗီတာမင် C

အိုမင်းရင့်ရော်မှုကို တားတဲ့အကျိုး ပြုဓာတ် (Anti Oxidant) အများကြီးပါ တဲ့ ဗီတာမင်ဟာ ဗီတာမင် C ဖြစ်တယ်။ အမေရိကန်နိုင်ငံသား ၃၀ % ကျော်မှာ ဗီတာမင် C မလုံလောက်ဘူးလို့ဆိုတယ်။ အဲဒီ စူပါဗီတာမင်ဟာ ခုခံအားစနစ်ကို မြှင့်တင်ပေးတယ်။ အနာကျက်မြန်စေ တယ်။ ကင်ဆာရောဂါ ကာကွယ်ပေး တယ်။ စည်းလွတ်ဝါးလွတ် အဖျက်ဓာတ် (Free Radicals) တွေကို နှိမ်နင်း ပေးတယ်။ နေ့စဉ် မှီဝဲရမယ့် ပမာဏအနေ နဲ့ အမျိုးသားများအတွက် ဗီတာမင် C ၇၅ ဂရမ်၊ အမျိုးသမီးများအတွက် ၉၀ ဂရမ် ဖြစ်တယ်။ အဲဒီပမာဏဟာ လှီးဖြတ်ထား တဲ့ ပန်းဂေါ်ဖီစိမ်းတစ်ခွက်နဲ့ ညီမျှတယ်။ ဗီတာမင် C ရနိုင်တဲ့ အစားအစာ တွေကတော့ ပန်းဂေါ်ဖီစိမ်း (Broccoli)၊ ငရုတ်ကောင်းနီ (Red Bell Pepper)၊ ပန်းဂေါ်ဖီ၊ တရုတ်နံနံ၊ ရှောက်ရည်၊ စတော် ဘယ်ရီသီး၊ ဆလတ်ရွက်၊ ခရမ်းချဉ်သီး၊ ကီဝီသီး၊ သင်္ဘောသီးနဲ့ မာလကာသီးတို့ ဖြစ်တယ်။ သစ်သီးနဲ့ ဟင်းသီးဟင်းရွက် အားလုံးနီးပါးမှာ ဗီတာမင် C အနည်းနဲ့ အများ ပါဝင်ပါတယ်။

မင်းသုတ
Ref: Essential Vitamins to Eat Everyday
By Dr Maoshing Ni
photo copy from google search